Frida Amundsen (på norsk!) i Hedleberget

Frida sine eigne låtar på norsk for fyrste gong!
Dette er Frida heilt på ekte, heilt personleg og heilt utan filter.

Frida har for lengst smelta seg inn i hjartet på millionar av lyttarar over heile verda. Frå starten som tenåring hadde Frida allereie ei vaksen stemme. No har ho sjølv blitt vaksen og fyller si eiga stemme betre enn nokon gong før.

Etter ein lang pause starta Frida med å tolke kjende låtar som "Nothing Else Matters", "When You Say Nothing At All" og "Save Your Tears" på norsk og publiserte versjonane sine på sosiale media. Dei enkle og personlege tolkingane hennar fekk raskt eit mykje større publikum enn ho hadde venta. Dei slitte originalane fekk nytt liv, og tekstane ein ny dimensjon gjennom Frida sine ord og tolkingar. Stemma til Frida som tekstforfattar viser seg å vera minst like stor som songstemma ho vart kjend for.

Sidan har Frida gitt ut tre eigne, norske låtar - "Spor", "Hjemmet Mitt i Nord" og "Hjem igjen" som for tida er lista på P1.

I haust kjem altså albumet med heile Frida på norsk - og du som kjem på konserten i Hedleberget kan vera mellom dei aller fyrste som får oppleva det.